सुनचाँदीको भाउ घट्यो

काठमाडौं । नेपाली बजारमा शुक्रबार सुनचाँदीको भाउ घटेको छ । सुन प्रतितोला ५ सय रुपैयाँ घटेको हो ।

नेपाल सुनचाँदी व्यवसायी महासंघका अनुसार शुक्रबार प्रतितोला १ लाख ९३ हजार १ सय रुपैयाँमा सुनको कारोबार भएको छ ।

दुई दिनमा सुनको भाउ १३ सय रुपैयाँ घटेको छ । मंगलबार १ लाख ९४ हजार ४ सयमा कारोबार भएको थियो । बुधबार १ लाख ९३ हजार ६ सयमा झरेको थियो ।

चाँदीको भाउ तोलामा ३५ रुपैयाँ घटेको छ । बिहीबार २२७० रुपैयाँ रहेको चाँदी यस दिन २२३५ रुपैयाँमा झरेको छ ।

मंगलबार २३१० रुपैयाँमा कारोबार भएको थियो ।