गोसाइँकुण्डमा बेपत्ता माेरङका दुई युवककाे शव भेटियो

काठमाडाैं । रसुवाको तीर्थस्थल गोसाइँकुण्डमा बेपत्ता भएका मोरङका दुई युवकको शव फेला परेको छ ।

गोसाइँकुण्डमा स्नान गर्ने क्रममा आइतबार बेपत्ता भएका विराटनगर महानगरपालिका ३ ढाटका २६ वर्षीय सुजन ढकाल र बेलबारी नगरपालिका–११  लक्ष्मीमार्गका २८ वर्षीय मनोज न्यौपानको शव फेला परेका हो ।

उनीहरु दाजुभाइ (मामा फुपुको छोरा) हुन् । उनीहरुको शव आज बिहान १० बजे फेला परेको हो ।

मृत भेटिएका दुइ भाइको शव काठमाडौं ल्याउने प्रयास भइरहेको दाजु विवेक मिश्रले जानकारी दिए । उनका अनुसार मनोज काठमाडौं बस्दै आएका थिए । विराटनगर स्थित घरमा बस्दै आएका सुजन केही दिनअघि काठमाडौं गएका थिए । काठमाडौंबाट साथीभाइसँग उनीहरु साउन १० गते गोसाइँकुण्ड गएका थिए । गोसाइँकुण्डमा स्थान गर्ने क्रममा आइतबार दुई जना बेपत्ता भएका थिए ।