सुनको मूल्य स्थिर, चाँदीको मूल्य बढ्यो

काठमाडौं । लगातार तीन दिनसम्म घटेको सुनको मूल्य आज स्थिर रहेको छ । चाँदीको मूल्य भने बढेको छ ।

आज सुन प्रतितोला एक लाख ९३ हजार ६ सय रुपैयाँमै स्थिर रहेको नेपाल सुनचाँदी व्यवसायी महासंघले जनाएको छ । सुनको मूल्य हिजो प्रतितोला ११ सय रुपैयाँ घटेको थियो भने शुक्रबार पाँचसय र बिहीबार दुई हजार चारसय रुपैयाँ घटेको थियो ।

आज चाँदी प्रतितोला ५ रुपैयाँ बढेर दुई हजार दुईसय ९५ रुपैयाँ कामय भएको महासंघले जनाएको छ ।