अमेरिकामा दुर्घटनाबाट जोगियो बोइङको विमान

काठमाडाैं । अमेरिकाको डेन्भर अन्तर्राष्ट्रिय विमानस्थलमा एउटा यात्रुवाहक विमान ठुलो दुर्घटना हुनबाट जोगिएको छ । ल्यान्डिङ गियरमा समस्या आएपछि अमेरिकन एयरलाइन्सको बोइङ ७३७ म्याक्स ८ विमानको उडान रोकिएको थियो । यस क्रममा विमानको पछाडिको भागमा आगो लाग्यो ।

यो उडान मियामी जाँदै थियो ।

यो घटना अमेरिकाको समय अनुसार दिउँसो २:४५ बजे भएको थियो। विमानमा जम्मा १७३ यात्रु र ६ जना चालक दलका सदस्य थिए। सबैलाई आपतकालीन स्लाइड मार्फत बाहिर निकालिएको थियो ।

जुन १२ मा अहमदाबादमा दुर्घटनाग्रस्त भएको एयर इन्डियाको विमान बोइङ कम्पनीकै थियो । बोइङ ७८७-८ विमान उडान भरेको दुई मिनेटपछि नै दुर्घटनाग्रस्त भएको थियो । यस दुर्घटनामा २७० जनाको मृत्यु भएको थियो।