प्रहरीकाे नाममा रकम असुलेकाे आराेपमा एक जना पक्राउ

विराटनगर । सुनसरीमा प्रहरी हुँ भन्दै  विभिन्न व्यक्तिहरुलाई धम्की दिएर रकम असुली गर्ने १ जनालाई पक्राउ गरेको छ ।

‘प्रहरी हुँ’ भन्दै रकम असुली गर्ने इनरुवा नगरपालिका–९ का ३० वर्षीय पवन मेहतालाई पक्राउ गरिएको सुनसरी प्रहरी प्रवक्ता डीएसपी योगराज खतिवडाले बताए ।

उनका अनुसार मेहतालाई भोक्राहा–नरसिंह गाउँपालिका–५ बाट बिहीबार साँझ पक्राउ गरिएको हो ।

मेहताले आफूलाई जिल्ला प्रहरी कार्यालय सुनसरीबाट सादा पोसाकमा खटिएको प्रहरी बताउँदै विगत केही दिनदेखि सर्वसाधारणलाई धम्की दिएर रकम असुल्ने गरेको  खुलेको थियाे ।

उनलाई को १५ प ८८७ नम्बरको मोटरसाइकलसहित पक्राउ गरेको प्रहरीले बताएकाे छ ।