रुसमा विमान दुर्घटना

काठमाडौं । रुसमा विमान दुर्घटना हुँदा विमानमा सवार सबै यात्रुको मृत्यु भएको आशंका गरिएको छ ।

बेलायती समाचार संस्था रोयटर्सका अनुसार रुसको सुदूरपूर्वी क्षेत्र अमुरस्थित टिन्डाको जंगलमा सोभियत युगको पुरानो एन्टोनोभ एएन–२४ मोडेलको विमान बिहीबार दुर्घटनामा परेको थियो । दुर्घटना भएको बिमानमा सवार सबै यात्रुको मृत्यु भएको आशंका गरिएको हो ।

सन् १९७६ मा बनेको यो विमान करिब ५० वर्ष पुरानो भएको बताइएको छ ।

क्षेत्रीय गभर्नर भासिली ओर्लोभका अनुसार विमानमा ५ बालबालिकासहित ४३ यात्रु र ६ जना चालक दलका सदस्य सवार थिए ।