सुनसरीमा वृद्धको हत्या, छोरा पक्राउ

विराटनगर । सुनसरीको देवानगञ्ज गाउँपालिका–२ मा ६० वर्षीय वृद्धको हत्या भएको छ ।  बुधबार बिहान स्थानीय ६० वर्षीय सचिव अन्सारीको हत्या भएको हो । उनको हत्या आरोपमा प्रहरीले छोरा मोहम्मद रियाज अन्सारीलाई पक्राउ गरेको छ ।

घरायसी जग्गा विवादका क्रममा बुधबार बिहान मोहम्मद रियाजले बाबु सचिव अन्सारीको छाती र ढाडमा छुरा प्रहार गरेका थिए । छुरा प्रहारबाट गम्भीर घाइते भएका सचिव अन्सारीलाई तत्काल उपचारका लागि विराटनगरस्थित गोल्डेन अस्पतालमा भर्ना गरिएको थियो । उपचारको क्रममा उनको मृत्यु भएको हो ।

बाबुको हत्यामा संलग्न भएको आरोपमा प्रहरीले छोरा मोहम्मद रियाज अन्सारीलाई पक्राउ गरेको छ । उनीविरुद्ध कर्तव्य ज्यान मुद्दामा कारबाही अगाडि बढाउने सुनसरीका प्रहरी प्रमुख एसपी सुमनकुमार तिम्सिनाले जानकारी दिए ।