करेन्ट लागेर २ जनाको मृत्यु

विराटनगर । मोरङ र संखुवासभामा करेन्ट लागेर २ जनाको मृत्यु भएको छ ।

मोरङको केराबारी गाउँपालिका– ८ स्थित माहादेव क्रसरमा वल्डिङ गर्ने क्रममा करेन्ट लागी घाइते गोर्खाका ३५ वर्षीय मंगल चेपाङको मृत्यु भएको हो ।

गोरखाको गण्डकी गाउँपालिका घर भएका चेपाङलाई सोमबार राति १० बजेतिर अचानक करेन्ट लागेको थियो । करेन्ट लागेर घाइते उनको बीपी कोइराला स्वास्थ्य बिज्ञान प्रतिष्ठान धरान उपचारका क्रममा मृत्यु भएको हो ।

त्यस्तै साउन ५ गते संखुवासभाको चिचिला गाउँपालिका – ३ सोलाखानीमा निर्माणाधीन अरुण तेश्रो जलविद्युत परियोजनाका कामदार कैलाली घोडाघोडीका ४० वर्षीय करणधर पौडेलको मृत्यु भएको हो ।

सुरुङ भित्र काम गर्ने क्रममा उनलाई करेन्ट लागेको थियो ।