माेरङमा एक वर्षमा २८ हजारले लिए नागरिकता, ९८ जनाले परित्याग गरे

विराटनगर । जिल्ला प्रशासन कार्यालय मोरङले आर्थिक वर्ष २०८१–८२ को एक वर्षको अवधिमा २८ हजारभन्दा बढीले नेपाली नागरिकताको प्रमाणपत्र लिएका छन् ।

प्रमुख जिल्ला अधिकारी इन्द्रदेव यादवका अनुसार वंशजका आधारमा २७ हजार १ सय २१ जनाले नेपाली नागरिकता प्राप्त गरेका छन् । १ हजार १ सय २३ जनाले वैवाहिक अंगीकृत नागरिकता लिएका छन् । जिल्लामा २६ हजार ४ सय २६ जनाले नागरिकताको प्रतिलिपि लिएका छन् ।

१ वर्षको अवधिमा ९८ जनाले नेपाली नागरिकता परित्याग गरेका छन् । ८ जनाको नागरिकता रद्द भएको छ ।

राष्ट्रिय परिचयपत्रका लागि ७८ हजार ६ सय ८८ जनाको विवरण दर्ता भएको छ । २६ हजार ९ सय २५ जनालाई परिचयपत्र वितरण भइसकेको छ ।

१ वर्षको अवधिमा ३१ हजार १ सय ६१ वटा राहदानी लिएका छन् ।

गत आर्थिक वर्षमा कार्यालयमा ४ सय ७७ वटा मुद्दा दर्ता भएका थिए । जसमध्ये ३ सय ६० वटा मुद्दा फछ्र्यौट भएका छन् ।