सुनको मूल्य बढ्यो, चाँदीको मूल्यमा नयाँ रेकर्ड

काठमाडौं । नेपाली बजारमा सुनको मूल्य बढेको छ । नेपाल सूनचाँदी व्यवसायी महासंघका अनुसार मंगलबार सुन प्रतितोला एक हजार ८ सय रूपैयाँ बढेको हो । आज एक लाख ९५ हजार पाँच सय रूपैयाँमा कारोबार भइरहेको छ ।

सोमबार सुन प्रतितोला एक लाख ९३ हजार ७ सय रूपैयाँमा कारोबार भएको थियो ।

मंगलबार चाँदीको मूल्य पनि बढेर हालसम्मकै उच्च मुल्यमा पुगेको छ ।

सोमबार प्रतितोला २२ सय ८५ रूपैयाँमा कारोबार भएको चाँदी एकैदिन ३५ रूपैयाँले बढेर २३ सय २० रूपैयाँ पुगेको महासंघले जनाएको छ ।