११ महिनायताकै उच्च विन्दुमा नेप्से

काठमाडौं ।  सेयर बजार ११ महिनायताकै उच्च विन्दुमा पुगेको छ । सोमबार बजारको परिसूचक नेप्से  २१‍.७६ अंकले बढ्दा ११ महिनायता कै उच्च विन्दुमा पुगेकाे हाे । सो वृद्धिपछि २८९२ अंकमा कायम भएको छ । यो अंक गत वर्षको ९ भदौयताकै उच्च हो ।

कारोबार रकम केही घटेको छ । अघिल्लो दिन २१ अर्ब ४६ करोडको कारोबार भएकोमा आज १६ अर्ब ३२ करोडको भयो । बजारको आकारमा भने नयाँ रेकर्ड बनेको छ । बजारको पूँजीकृत रकम (आकार) ४८ खर्ब २६ अर्ब रुपैयाँ पुगेको छ । यसअघि गत १८ फागुनमा ४७ खर्ब ९९ अर्बको रेकर्ड बनेको थियो ।

आज १५३ कम्पनीको मूल्य बढ्दा ९६ को घट्यो ।