बालककाे पेटबाट चिकित्सकले निकाले कैंची

विराटनगर । १५ वर्षीय बालकको पेटबाट नोबेल मेडिकल कलेजका चिकित्सकले कैंची निकालेका छन् । उदयपुरका बालकले खेल्ने क्रममा निलेको कैंची नोबेलका चिकित्सकले शल्यक्रिया गरी निकालेका हुन् ।

नोबेल अस्पतालका प्रबन्धक दिपेश राईका अनुसार  असार १७  गते भर्ना भएका बालकको ल्याप्रोसकोपी विधीबाट शल्यक्रिया गरी पेट भित्र अड्किएको कैंची निकालिएको हो । शल्यक्रिया पछि सामान्य अवस्थामा आएका बालक घर फर्किएको उनले बताए ।

घरमा टिभी हेर्ने क्रममा कैंची अड्किएपछि आफन्तले स्थानीय अस्पताल हुँदै नोबेलमा भर्ना गरेका थिए । गम्भीर अवस्थामा भर्ना भएका उनको ल्याप्रोस्कोपिक सर्जन डा अमित भट्टराई र डाक्टर दिनेश अधिकारीको टिमले शल्यक्रिया गरी कैची निकालेको हो ।

ढल्किएर टिभी हेर्दै मुखमा कैंची खेलाइ रहेको अवस्थामा अचानक घाँटी भित्र छिरेको थियो । बालकले कैंची अड्कियो भन्दै कराएपछि आफन्तले निकाल्न खोज्दा कैंची अझ भित्र पसेको थियो । नोबेल आइपुग्दा  पेटमा कैंची पुगिसकेको थियो ।