आलमलाई सफाइ दिने उच्चकाे फैसलाविरुद्ध सर्वाेच्चमा निवेदन

काठमाडौं । नेपाली कांग्रेसका नेता एवं पूर्वसांसद मोहम्मद आफताब आलमलाई ज्यान मुद्दाबाट सफाइ दिने उच्च अदालत जनकपुरको फैसलाविरुद्ध महान्यायाधिवक्ताको कार्यालयले सर्वोच्च अदालत पुगेको छ ।

महान्यायाधिवक्ताको कार्यालयका प्रवक्ता सूर्यराज दाहालले पुनरावेदनमा गएको पुष्टि गरे ।

गत १४ जेठमा उच्च अदालत जनकपुरको वीरगञ्ज इजलासका न्यायाधीश डा। खुसीप्रसाद थारु र अर्जुन महर्जनको संयुक्त इजलासले आलमलगायत ज्यान मुद्दाका सबै आरोपितहरूलाई सफाइ दिने फैसला गरेको थियो । उच्चको फैसला उल्टाएर जन्मकैदको मागसहित महान्यायाधिवक्ताको कार्यालयले सर्वाेच्चमा निवेदन दर्ता गरेको हो । ‘उच्च अदालतबाट सफाइ पाएका सबै आरोपितहरूलाई पुनः कानुनको यरामा ल्याइयोस् र पीडित पक्षलाई न्याय मिलोस्,’ पुनरावेदन निवेदनमा भनिएको छ ।

आलममाथि २०६४ सालमा रौतहटमा भएको बम विष्फोटका घाइतेलाई इँटाभट्टामा हालेर जिउँदै जलाएको आरोप लागेको थियो ।