कोशी अस्पताल र बीपी प्रतिष्ठानलाई ‘प्रथम सेवा बिन्दु’काे अनुमति

विराटनगर । स्वास्थ्य बिमा बोर्डले विराटनगरकाे कोशी अस्पताल र धरानकाे बीपी कोइराला स्वास्थ्य विज्ञान प्रतिष्ठानलाई ‘प्रथम सेवा बिन्दु’कै रुपमा सेवा प्रवाहकाे अनुमति दिएकाे छ ।

बोर्डले असार १९ गतेको बैठकबाट साउन १ गतेदेखि यी २ स्वास्थ्य संस्था ‘रेफरल सेन्टर’ मात्र हुने निर्णय गरेकाे थियाे । तर निर्णयकाे विरोध भएपछि उक्त निर्णय फिर्ता भएको हो । बुधबार स्वास्थ्य मन्त्रालयको निर्देशनमा बोर्डले दुवै संस्थालाई असोज मसान्तसम्मका लागि ‘प्रथम सेवा बिन्दु’ र ‘रेफरल सेन्टर’का रूपमा निरन्तरता दिने निर्णय गरेको हो ।

बोर्डको असार १९ को निर्णयले स्वास्थ्यकर्मी, कर्मचारी, नागरिक अभियन्ता र सेवाग्राहीबीच गम्भीर असन्तोष सिर्जना गरेको थियो । कोशी अस्पताल विकास समितिका अध्यक्ष डा फरवर्ड सिलवालका अनुसार, स्वास्थ्य मन्त्रालयमार्फत दबाब सिर्जना भएपछि बिमा बोर्डले पुरानो निर्णय सच्याएर नयाँ निर्णय पठाएको हो ।

उक्त निर्णयसँगै अस्पतालमा पुनः बिमा योजनाअन्तर्गत ‘प्रथम सेवा विन्दु’को सेवा सञ्चालन हुनेछ ।