इरान र इजरायलबीच युद्धविराम भएकाे ट्रम्पकाे घाेषणा

काठमाडौं । अमेरिकी राष्ट्रपति डोनाल्ड ट्रम्पले इजरायल र इरान पूर्ण युद्धविरामका लागि सहमत भएको घोषणा गरेका छन् । मङ्गलबार बिहान सामाजिक सञ्जालमा पोस्ट गर्दै उनले युद्धविराम सहमति भएको बताएका हुन् ।

ट्रम्पले बन्दी फुकुवाबाट युद्धविरामको काम सुरु भएर २४ घण्टा भित्रमा सम्पूर्ण रूपमा युद्ध अन्त्यको घोषणा हुने बताए । इरान र इजरायलले भने युद्धविराम भएको कुराको पुष्टि गरेका छैनन् ।

राष्ट्रपति ट्रम्पले घोषणा गरेकै समयमा फक्स न्युजमा अन्तरवार्ता दिइरहेका अमेरिकी उपराष्ट्रपति जेडी भान्सले इरानले आणविक हतियार बनाउने नसक्ने भएपछि युद्धविराम भएको बताएका छन् ।

सबैलाई बधाई छ, इजरायल र इरानबीच पूर्ण र सम्पूर्ण युद्धविरामको सहमति भइसकेको छ (झन्डै ६ घण्टापछि, जब दुबै देशले आफ्ना अन्तिम सैन्य अभियानहरू पूरा गर्छन्), १२ घण्टाको लागि युद्ध विराम हुनेछ । त्यसपछि युद्ध अन्त्य भएको मानिने छ।’ उनले भनेका छन् ।