सुनको मूल्य प्रतितोला १ लाख ९५ हजार नाघ्याे

काठमाडौं । नेपाली बजारमा सुनको मूल्य बढेको छ । आज (आइतबार) सुनको भाउ प्रतितोला ५ सय रूपैयाँले बढेको हो ।

भाउ बढेसँगै सुनको मूल्य प्रतितोला १ लाख ९५ हजार २ सय रूपैयाँ कायम भएको नेपाल सुनचाँदी व्यवसायी महासंघले जनाएको छ । शुक्रबार मूल्य प्रतितोला १ लाख ९४ हजार ७ सय रूपैयाँ थियो ।

आज चाँदीको मूल्य पनि बढेको छ ।

प्रतितोला १० रूपैयाँले मूल्य बढेको हो । भाउ बढेसँगै चाँदी तोलाको २ हजार १ सय ६० रूपैयाँ पुगेको छ । शुक्रबार २ हजार १ सय ५० रूपैयाँ थियो ।