३९५ जनाले गरे सगरमाथा आरोहण

काठमाडौं । ३९५ जनाले आरोहीले सगरमाथा आरोहण गरेका छन् । वसन्त ऋतुको जारी हिमाल आरोहणमा हालसम्म ३९५ जनाले आरोहण गरेका हुन् ।

यो सिजनका लागि ४७ आरोही समूहका ८६ महिला र ३८२ पुरुषसहित ४६८ जनाले सगरमाथा आरोहण अनुमति लिएका छन् । सगरमाथा आरोहण गर्न ५७ देशका आरोही आएका छन् ।

सगरमाथासहित २७ हिमालमा यस यामका लागि १२७ समूहका एक हजार १६८ जनाले आरोहण अनुमति लिएका छन् । मौसम अनुकूलभएसँगै गत आइतबार एकैदिन एकसय ३५ आरोहीले सगरमाथाको सफल आरोहण गरेका थिए ।