धान गोड्दै गर्दा तार खस्यो, एक जनाको मृत्यु

विराटनगर । धनकुटामा धान गोड्दै गरेका बेला करेन्ट लागेर एक जना वृद्धको मृत्यु भएको छ । धनकुटा नगरपालिका–८ शिवबेँसीका ६८ वर्षीय मंगलसिंह राईको मृत्यु भएको हो ।

धनकुटा प्रहरीका प्रवक्ता डीएसपी ओमप्रकाश खनालका अनुसार खेतमा धान गोड्दै गर्दा माथिबाट अचानक विद्युतको तार खसेर उनलाई लागेको थियो । राईलाई दिउँसो ३ बजेतिर करेन्ट लागेर घटनास्थलमै मृत्यु भएको प्रहरीले बताएको छ ।