केबलकारविरुद्ध परेकाे रिटमा सर्वाेच्चले दिएन अन्तरिम आदेश

काठमाडाैं । पाथीभरा क्षेत्रमा केबलकार निर्माणको बाटो खुलेको छ । केबलकार निर्माण रोक्न माग गर्दै परेको रिटमा सर्वाेच्च अदालतले अन्तरिम आदेश नदिएपछि पाथीभरा मन्दिरसम्म केबलकार निर्माणको बाटो खुलेको हो ।

बुधबार न्यायाधीश डाक्टर नहकुल सुवेदी र अब्दुल अजिज मुसलमानको संयुक्त इजलासले अन्तरिम आदेश दिएन् ।

पाथीभरा क्षेत्रमा केबलकार निर्माण सुरु भएपछि पहिचानवादी समूहले विरोध गर्दै आएकाे छ । पहिचानबादीको आन्दोलनका कारण केबलकार निर्माणको काम रोकिएको छ । अदालतले अन्तरिम आदेश नदिएपछि कानुनी रुपमा केबलकार बनाउने बाटो खुलेको हो ।

पाथीभरा मन्दिर नेपालको प्रमुख धार्मिक स्थल हो, जहाँ वार्षिक लाखौं भक्तजन दर्शनका लागि पुग्ने गरेका छन् ।