भारतले खाेल्याे विमानस्थल

काठमाडाैं । भारत पाकिस्तानको युद्धका कारण बन्द भएका विमानस्थल सोमबारबाट खुलेका छन् । दुई देशबीचको युद्धविराम पछि भारतले बन्द रहेका ३२ वटा विमानस्थल सञ्चालनमा ल्याएको हो ।

भारत प्रशासित काश्मिरको श्रीनगरदेखि पश्चिमी गुजरातको भुजसम्मका विमानस्थलहरूमा नागरिक उड्डयन पुनः सुरु भएको छ ।

यसअघि, भारत र पाकिस्तानबीचको भीषण लडाइँको कारण ती विमानस्थल बन्द गरिएको थियो ।

भारतको प्रमुख एयरलाइन इन्डिगोले बन्द गरिएका मार्गहरूमा सञ्चालन पुनः सुरु गर्ने घोषणा गरेको छ । यद्यपि युद्धविराम शनिबार गरिएको भएता पनि दुवै पक्षले एक अर्कामाथि यसको उल्लङ्घनको आरोप लगाएका थिए ।

सोमबार भारत र पाकिस्तान दुवैले सीमावर्ती क्षेत्रहरूमा शान्ति कायम भएको बताएका छन् ।