हिंसा रोक्न भारत र पाकिस्तानलाई अमेरिकाको आग्रह

विराटनगर । भारत र पाकिस्तानलाई अघोषित युद्ध रोक्न अमेरिकाले आग्रह गरेको छ । युद्धले समस्याको समाधान नगर्ने भन्दै आक्रमण बन्द गर्न अमेरिकाले आग्रह गरेको हो ।

अमेरिकी विदेश मन्त्रालयकी प्रवक्ता ट्यामी ब्रुसले पत्रकार सम्मेलनको क्रममा भनिन्, ‘हिंसा, सैन्य कारबाही र युद्ध रोकिनुपर्छ, अमेरिकाको सन्देश यही हो । मध्यपूर्वमा यो प्रमाणित भइसकेको छ कि युद्धबाट कुनै समाधान निस्कँदैन ।’

उनले थपिन्, ‘युद्ध, सेना र हिंसा कुनै समाधान होइन । पुस्तौंदेखिका हिंसा र समस्यालाई रोक्न नयाँ विचार र कूटनीति नै समाधान हुन् ।’