जीवन विकास आदर्शनगर शाखाको अन्तरक्रिया

विराटनगर । जीवन विकास लघुवित्त वित्तीय संस्थाको आदर्शनगर शाखाले अन्तरक्रिया तथा वित्तीय साक्षरता कार्यक्रम सम्पन्न गरेको छ । सदस्यहरुको उपस्थितिमा बुधबार कार्यक्रम सम्पन्न गरेको हो ।

कार्यक्रमलाई सम्बोधन गर्दै जीवन विकास लघुवित्त वित्तीय संस्थाका प्रमुख कार्यकारी अधिकृत संजयकुमार मण्डलले आदर्शनगर शाखा जीवन विकासको अन्य शाखा भन्दा फरक प्रकृतिको शाखा रहेको बताए ।

उनका अनुसार अन्य शाखामा समूह बैठकको स्वीकृतिमा ऋण लगानी हुन्छ । केन्द्रीय कार्यालयसँगै रहेको आदर्शनगर शाखाबाट भने व्यक्तिगत धितो जमानीका आधारमा ऋण लगानी हुन्छ । उनले सदस्यहरुको सहजताका लागि लघुवित्तले घरदैलोमा पुगेर वित्तीय सेवा प्रवाह गरिरहेको बताए ।

कार्यक्रममा आदर्शनगर शाखाका उत्कृष्ट उद्यमी, ऋणी र बचतकर्तालाई पुरस्कृत पनि गरिएको थियो ।

उत्कृष्ट उद्यमी तर्फ रेनुदेवी केशरी, कौशल्यादेवी महतो र आभाकुमारी सिंह राजपूतलाई पुरस्कृत गरिएको थियो ।

उत्कृष्ट ऋणी तर्फ बिमला चौधरी, सकुन्तलादेवी मोची र मान्तीकुमारी महतोलाई पुरस्कृत गरिएको थियो । उत्कृष्ट बचतकर्ता तर्फ वैजनाथप्रसाद विश्वासलाई पुरस्कृत गरिएको थियो ।

जीवन विकासकाे आदर्शनगर शाखा प्रमुख शिवम कुमार मण्डलको अध्यक्षतामा भएकाे कार्यक्रममा सहभागीहरुलाई संस्थाको तालिम विभाग प्रमुख रञ्जना निरौलाले वित्तीय साक्षरता सम्बन्धि प्रशिक्षण दिएकी थिइन् ।