कोशीको बजेट अधिवेशन जेठ ४ गते बाेलाउन सिफारिस

विराटनगर । कोशी प्रदेश सरकारले प्रदेश सभाको बजेट अधिवेशन जेठ ४ गतेबाट बाेलाउनका लागि प्रदेश प्रमुख समक्ष सिफारिस गर्ने निर्णय गरेकाे छ ।

बुधबार बसेको मन्त्रिपरिषद् बैठकले प्रदेशसभाको सातौँ तथा बजेट अधिवेशन जेठ ४ गते दिउँसो २ बजेबाट बोलाउनका लागि प्रदेश प्रमुख समक्ष सिफारिस गर्ने निर्णय गरेकाे हाे ।

मन्त्रीपरिषद्को निर्णयका आधारमा प्रदेश प्रमुखले अधिवेशन आह्वान गर्ने संवैधानिक प्रावधान छ ।

आज मन्त्रिपरिषद बैठकले प्रदेश प्रमुख परशुराम खापुङ समक्ष प्रदेशसभा बैठक आह्वानको लागि सिफारिस गर्ने निर्णय गरेको आन्तरिक मामिला तथा कानुन मन्त्री रेवती रमण भण्डारीले बताए ।

बैठकले सुनसरीकाे कोशी गाउँपालिकाको केन्द्र हेरफेर गर्न नेपाल सरकारलाई सिफारिस गर्ने निर्णय पनि गरेको छ । बैठकले कारखाना तथा वर्कसप सञ्चालन निर्देशिका– २०८२ स्विकृत गर्ने निर्णय पनि गरेको छ ।