पाकिस्तानमा भारतीय हवाई आक्रमण, ९ जनाको मृत्यु

काठमाडौं । भारतीय सेनाले मंगलबार राति पाकिस्तानका ९ ठाउँमा हवाई आक्रमण गरेको छ। ‘अपरेशन सिन्दूर’ नाम दिएर पाकिस्तानका ९ स्थानमा मिसाइल आक्रमण गरेको हो ।

पाकिस्तानी सञ्चारमाध्यमका अनुसार आक्रमणमा ९ जनाको सर्वसाधरणकाे मृत्यु भएको छ । ३५ जना घाइते भएका छन् ।

भारतले आक्रमणलाई कश्मीरको पलगाममा २२ अप्रिलमा भएको आक्रमणको जवाफी कारबाही भनेको छ । पलगाममा एक नेपालीसहित २६ पर्यटक मारिएका थिए ।

भारतले आतंकवादी रहेको मानिएका ९ ठाउँमा आक्रमण गरेको जनाएको छ। पाकिस्तानले भने सर्वसाधारणहरूको घरमा आक्रमण गरेको जनाएको छ ।

पाकिस्तानी सञ्चार माध्यमले भारतका तीन वटा फाइटर जहाज पाकिस्तानी सेनाले झारिदिएको जनाएको छ ।

पाकिस्तानको लाहोर एयरपोर्टमा आपतकालीन अवस्था घोषणा गरिएको छ । मिडिया रिपोर्टका अनुसार एयरपोर्ट खाली गरेर सुरक्षा व्यवस्था कडा पारिएको छ ।

पाकिस्तानी प्रधानमन्त्री शहबाज शरिफले भारतलाई जवाफ दिने चेतावनी दिएका छन् ।