३३० किलो गाँजा बरामद

विराटनगर । प्रहरीले सुनसरीको बराहक्षेत्रको जंगलबाट ३ सय ३० किलो गाँजा बरामद गरेको छ ।

बराहक्षेत्र नगरपालिका–१ स्थित जंगलबाट आइतबार राति गाँजा बरामद भएको सुनसरी प्रहरीका प्रवक्ता डीएसपी योगराज खतिवडाले जानकारी दिए ।

विशेष सूचनाका आधारमा इलाका प्रहरी कार्यालय धरानबाट खटिएको टोलीले खोजतलास गर्ने क्रममा बराहक्षेत्र जंगलमा गाँजा फेला परेको हो ।

प्रहरीलाई देख्नसाथ ओसारपसारमा संलग्नहरु गाँजा फालेर फरार भएको डीएसपी खतिवडाले बताए । प्रहरीले प्लाष्टिकका ११ वटा पोका बरामद गरेकाे हाे । उक्त पोकाभित्र ३ सय ३० किलो गाँजा थियाे ।