पक्राउ परेको साढे ४ घण्टापछि छुटे रेशम चौधरी

काठमाडौं । पक्राउ परेको साढे ४ घण्टापछि नागरिक उन्मुक्ति पार्टी (नाउपा) का संरक्षक रेशम चौधरी रिहा भएका छन् ।

सर्वोच्च अदालतको अनधिकृत पत्रका आधारमा नागरिक उन्मुक्ती पार्टी र जनमत पार्टीको एकता घोषणा स्थल प्रज्ञा प्रतिष्ठानबाट पक्राउ परेका चौधरीलाई डिल्लीबजार कारागार लगिएको थियो ।

बुधबार दिउँसो १ बजे पक्राउ परेका चौधरी करिब साढे ४ घण्टापछि छुटेका हुन् ।

सर्वोच्चको पत्र अनधिकृत भएको खुलेपछि सर्वाेच्चले अर्को पत्र लेखेर चौधरीलाई छाड्न आग्रह गरेको थियो । सर्वोच्चका प्रवक्ता अच्युत कुइँकेलका अनुसार सो विषयमा आन्तरिक छानबिन भइरहेको छ । चौधरीलाई थुनामा राख्नुपर्ने भन्दै पत्र पठाउने शाखा अधिकृत महिमान सिंह विष्टलाई भने प्रहरीले पक्राउ गरी अनुसन्धान सुरु गरेको छ ।