विराटनगरमा गुडिरहेको टिपरमा आगो लाग्यो

विराटनगर । गुडिरहेको टिपरमा आज दिउँसो आगलागी भएको छ । विराटनगर महानगरपालिका–१९ मिलन चोकमा प्रदेश १–०२–००१ ख ८५३१ नम्बरको टिपरमा सोमबार दिउँसो २ः३० बजेतिर एक्कासि आगलागी भएको हो ।

विराटचोकबाट सुनसरीको बर्जुतर्फ बालुवा लिएर जाँदै गरेको टिपर सुनसरीको इनरुवा नगरपालिका–३ का ३० वर्षीय साजन सरदारले चलाएका थिए ।

टिपरमा आगलागीको कारण पत्ता लागको छैन । यद्यपि, तार सर्ट हुँदा घटना भएको हुनसक्ने प्रहरीको प्रारम्भिक अनुमान छ । दमकलको सहयोगमा आगो नियन्त्रणमा लिइएको थियो । आगोले टिपरको अगाडिको भाग जलेर क्षति पुगेको छ ।