प्रतिनिधिसभामा ६ बुँदे सार्वजनिक महत्वको प्रस्ताव

काठमाडौं । विपक्षी दलहरूले प्रतिनिधिसभामा ६ बुँदे सार्वजनिक महत्वको प्रस्ताव दर्ता गराएका छन् । नेकपा माओवादी केन्द्रका प्रमुख सचेतक हितराज पाण्डेको प्रस्तावमा आन्दोलनरत शिक्षकहरूको माग सम्बोधनका लागि ६ बुँदे सार्वजनिक महत्वको प्रस्ताव दर्ता गरेका हुन् ।

प्रस्तावमा रास्वपाबाट सन्तोष परियार, नेकपा एसबाट शेरबहादुर कुँवर, आमजनता पार्टीबाट प्रभु साह र जनमोर्चाबाट चित्रबहादुर केसीले समर्थन गरेका छन् ।

सरकार र शिक्षक महासंघसँगबीचका सम्झौता कार्यान्वयन गराउन, सार्वजनिक विद्यालयहरूलाई गुणस्तीय बनाउन, लाखौं विद्यार्थीहरूको पठनपाठन सुचारु गर्न, निर्धारित समयमा परीक्षा सञ्चालन गर्न, चिकित्सा शिक्षा आयोगले गरेको निर्णयक कार्यान्वयन गराउन र स्वास्थ्य सेवालाई गुणस्तरीय र सुलभ बनाउन छलफलको माग गरेका छन् ।