शिक्षक आन्दोलनमा माधव नेपाल पुगेपछि नारावाजी

काठमाडौं । २७ दिनयता आन्दोलनमा रहेका शिक्षकको आन्दोलनमा ऐक्यबद्धता जनाउन नेकपा एकीकृत समाजवादीका नेताहरू पुगेका बेला शिक्षकले नाराबाजी गरेका छन् ।

सोमबार नयाँ बानेश्वरमा एकीकृत समाजवादीका अध्यक्ष झलनाथ खनाल, वरिष्ठ नेता झलनाथ खनाल, वरिष्ठ उपाध्यक्ष राजेन्द्र पाण्डे लगायतका नेताहरू पुगेका थिए । त्यसपछि शिक्षकहरुले शिक्षा ऐन जारी गर्न माग गर्दै नारावाजी गरेका हुन् । आन्दोलनरत शिक्षकहरूले आफूहरूको आन्दोलनमा सहभागी नहुन भन्दै नाराबाजी गरे ।

आन्दोलनमा सहभागी शिक्षकहरूले उनीहरूलाई संसदमा बोल्न आग्रह गर्दै ‘यहाँ नआउन’ भन्दै माइकिङ गरेका थिए । लगत्तै, नेताहरु प्रदर्शनस्थलबाट बाहिरिएका थिए । बाहिरिने क्रममा अध्यक्ष नेपालले भने,, यो आन्दोलनमा हाम्रो ऐक्यबद्धता छ ।’ शिक्षकहरू गत २० चैतदेखि विद्यालय शिक्षा ऐन जारी हुनुपर्ने मागसहित आन्दोलनमा छन् ।