राष्ट्र बैंकको वार्षिकोत्सवमा विराटनगरमा प्रभातफेरी

विराटनगर । नेपाल राष्ट्र बैंकको स्थापना दिवसको अवसरमा विराटनगरमा प्रभातफेरी गरिएको छ । ७० औं वार्षिकोत्सवको अवसरमा आइतबार बिहान विराटनगरमा सचेतना मुलक प्रभातफेरी कार्यक्रम गरिएको हो ।

राष्ट्र बैंक विराटनगर कार्यालय परिसरबाट सुरु भएको प्रभातफेरीले बजार परिक्रमा गरेको थियो ।

प्रभातफेरीमा विभिन्न बैंक तथा वित्तीय संस्थाका कर्मचारी सचेतनामुलक प्लेकार्ड र सन्देशसहित सहभागि भएका थिए ।  वित्तीय सचेतनाका लागि प्रभातफेरी आयाेजना गरिएकाे राष्ट्र बैंकले जनाएकाे छ ।