सांसद राई पक्राउ परेको सूचना संसदमा सुनाइयो, हिरासतमा राख्न ३ दिन म्याद थप

काठमाडौं । सांसद माया राई पक्राउ परेको सूचना संसद्‌ बैठकमा सुनाइएको छ । सहकारी ठगीमा संलग्न रहेको आरोपमा सांसद राई शनिबार पक्राउ परेकी थिइन् । उनी पक्राउ परेको सूचना शनिवार नै संघीय संसद् सचिवालय पुगेको थियो । उक्त सूचना आइतबार प्रतिनिधि सभाको बैठकमा सुनाइएको हो ।

शनिबार पक्राउ परेकी राईलाई हिरासतमा राख्न जिल्ला अदालत काठमाडौंले अनुमति दिएको छ । उनलाई अनुसन्धानका लागि ३ दिन हिरासतमा राख्ने अनुमति अदालतले दिएको हो । राईमाथि काठमाडौंको स्वर्णलक्ष्मी बचत तथा ऋण सहकारी संस्थाको रकम अपचलन गरेको आरोप छ ।