ससुराको हत्यापछि फरार व्यक्ति २० वर्षपछि पक्राउ

काठमाडौं । २०६२ सालमा  ससुराको हत्या गरी फरार भएका एक व्यक्तिलाई प्रहरीले २० वर्ष पछि पक्राउ गरेको छ । २० वर्षे हदम्याद सकिन केही महिना बाँकीछँदा दाङको तुलसीपुरस्थित इलाका प्रहरी कार्यालयले ३९ वर्षीय वीरबहादुर गुरुङलाई पक्राउ गरेको हो ।

१५ वर्षसम्म लुकिछिपी भारतमा बसेका उनी पाँच वर्षअघि दाङमै फर्किएर पोल्ट्रीफार्ममा काम गरिरहेका थिए । वैशाख १२ गते इलाका प्रहरी कार्यालय तुलसीपुरले उनलाई पक्राउ गरेको हो ।

इलाका प्रहरी कार्यालय तुलसीपुरका डीएसपी अनिल ठकुरीका अनुसार गुरुङ २०६२ साउन १४ गते तुलसीपुरमा ससुरा काशीराम विकको हत्या गरेर फरार भएका थिए । घटनापछि १५ वर्ष भारतमा बसेका उनी ५ वर्ष अघि नेपाल फर्किएका थिए ।