कोपा डेल रे को उपाधि बार्सिलाेनालाई

काठमाडौं । रियल मड्रिडलाई अतिरिक्त समयमा ३– २ गोल अन्तरले पराजित गर्दै बार्सिलोनाले स्पानिस कोपा डेल रे को उपाधि जितेको छ ।

बार्सिलोनाको उपाधिका लागि पेड्री, फेरान टोरेस र जुल्स कुन्डेले गोल गरे । रियालका लागि केलिएन एमबाप्पे र औरेलियन चुआमेनीले गोल गरे ।

निर्धारित ९० मिनेटको खेल २–२ को बराबरीमा सकिएपछि ३० मिनेटको अतिरिक्त समय थप गरिएको थियो । त्यसको पनि अन्तिम समयमातिर कुन्डेले विजयी गोल गरे ।

खेलमा सुरुवाती अग्रता बार्सिलोनाले लिएपनि रियलले लगातार दुई गोल फर्काउँदै अग्रता लिएको थियो ।

पेड्रील २८औं मिनेटमा लामिन यामलको पासमा गोल गर्दै बार्सिलोनालाई अग्रता दिलाएका थिए । एमबाप्पेले ७०औं मिनेटमा फ्रिकिकमार्फत बराबरी गोल फर्काए ।

चुवामेनीले ७७औं मिनेटमा गोल गर्दै रियललाई २– १ को अग्रता दिलाए । तर, रियलको अग्रता लामो समय टिकेन । फेरान टोरेसले ८४औं मिनेटमा गोल गरेपछि खेल २–२ को रोमाञ्चक स्थितीमा पुग्यो ।

निर्धारति समयमा नतिजा नआएपछि खेलमा ३० मिनेट समयम थप गरिएको थियो । जुल्स कुन्डेले ११६औं मिनेटमा उत्कृष्ट गोल गर्दै बार्सिलोनालाई ३–२ को जित दिलाए । बार्सिलोनाले ३२औं पटक कोपा डेल रे को उपाधि जितेको हो ।