दुर्गा प्रसाईंलाई १२ दिन हिरासतमा राख्न अनुमति

काठमाडौं । काठमाडाैंकाे तीनकुनेमा चैत १५ गते भएको हिंसात्मक प्रदर्शनका कमाण्डर दुर्गा प्रसाईंलाई १२ दिन हिरासतमा राख्न जिल्ला अदालत काठमाडौंले अनुमति दिएको छ । शुक्रबार प्रसाईंलाई अनुसन्धान गर्न १२ दिन हिरासतमा राख्ने अनुमति दिएको हो ।

अदालतका सूचना अधिकारी दीपककुमार श्रेष्ठका अनुसार जिल्ला न्यायाधीश शिशिरराज ढकालको इजलासले प्रसाईं र उनका बडिगार्ड दीपक खड्कालाई राज्यविरूद्धको कसुरमा अनुसन्धान गर्न म्याद थप गरेको हो ।

प्रसाईं र खड्कालाई बिहीबार भारतको आसामबाट पक्राउ गरी झापा हुँदै काठमाडौं लगिएको थियो ।