सुनको मूल्य फेरि बढ्यो, कतिमा हुँदैछ कारोबार ?

काठमाडौं । नेपाली बजारमा सुनको मूल्य शुक्रबार पनि बढेको छ । आज शुक्रबार प्रतितोला ३ हजार ९ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य तोलाको १ लाख ८५ हजार रुपैयाँ पुगेको छ ।

अघिल्लो कारोबार दिन बिहीबार सुन तोलाको १ लाख ८१ हजार १ सय रुपैयाँ थियो ।

सुनको मूल्यमा दैनिक भारी मात्रामा वृद्धि भइरहेको छ । बिहीबार प्रतितोला ५ हजार ७ सय रूपैयाँले बढेको थियो ।

चाँदीको मूल्यसमेत बढेको छ। प्रतितोला ५ रूपैयाँले बढेको हो । भाउ बढेसँगै शुक्रबार चाँदी तोलाको १ हजार ९ सय ५ रुपैयाँमा कारोबार भइरहेको छ ।