भारतबाट पक्राउ परे दुर्गा प्रसाईं

काठमाडौं । राजसंस्था पुनःस्थापनाका लागि गठित जनआन्दोलन समितिका कमान्डर दुर्गा प्रसाईं भारतमा पक्राउ परेका छन् । प्रहरी स्रोतका अनुसार भारतको असामबाट उनी पक्राउ परेका हुन् । प्रहरीको विशेष व्यूरोले पक्राउ गरी नेपाल ल्याउँदैछ ।

चैत १५ गते काठमाडौंको तीनकुनेमा भएको घटनाका मुख्य जिम्मेवार प्रसाईं हुन् । तीनकुनेमा हिंसात्मक प्रदर्शन हुँदा दुई जनाको मृत्यु भएको थियो ।

प्रहरीलाई नै गाडीले पेलेर अघि बढेका प्रसाईं केहीबेरपछि सम्पर्कविहीन भएका थिए । त्यसपछि प्रसाईंले सामाजिक सञ्जालबाट भिडियो पोस्ट गर्दै आफू नेपालमै रहेको बताएका थिए ।

प्रसाईंले भारतको आसाम राज्यको प्रहरीसमक्ष आत्मसमर्पण गरेकाे प्रसाईंकाे सचिवालयले जनाएकाे छ ।