चट्याङ लागेर मोरङ र झापामा दुई जनाको मृत्यु

विराटनगर । हिउँदे वर्षासँगै परेको चट्याङ लागेर झापा र मोरङ जिल्लाको २ जनाको मृत्यु भएको छ ।

बुधबार पाचँथरको मिक्लाजुङ गाउँपालिका– ३ घर भई हाल झापाको गौरादह नगरपालिका– ५ बालुबथान बस्दै आएकी ५४ बर्षीया दुधकुमार लावतीको मृत्यु भएको हो ।  भान्सामा काम गरिरहेका बेला चट्याङ लागेर उनकाे घटनास्थलमै मृत्यु भएकाे थियाे ।

बुधबार दिउँसो सुनसरीको इटहरी घर भई मोरङको कानेपोखरी गाउँपालिका– १ होक्लाबारी स्थित मामाघरमा आएका १२ बर्षीय बालक आबिस्कार बरालको मृत्यु भएको हो । वर्षासँगै परेको चट्याङले लाग्दा साइकल कुदाईरहेका उनी घाइते भएका थिए ।  विराट टिचिङ अस्पताल विराटनगरमा उपचारको क्रममा मृत्यु भएको हो ।