आज र भाेलि वर्षाकाे सम्भावना

काठमाडौं । पश्चिमी वायु तथा स्थानीय वायुको प्रभाव रहेकाे नेपालमा बंगालको खाडीबाट भित्रिएको जलवास्पयुक्त हावा पनि मिसिएकाे छ । जसका कारण आज र भाेलि विभिन्न स्थानमा वर्षाकाे सम्भावना छ ।

मौसम पूर्वानुमान महाशाखाका अनुसार आज कोशी प्रदेश, बागमती प्रदेश, गण्डकी प्रदेश र लुम्बिनी प्रदेशको पहाडी भूभागको एक-दुई स्थानमा मेघगर्जन र चट्याङसहित हल्कादेखि मध्यम वर्षा भइरहेको छ ।

दिउँसाे कोशी प्रदेश लगायत देशको पहाडी भू-भागका थोरै स्थानहरूमा तथा देशका बाँकी भू-भागका एक-दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।

देशको उच्च पहाडी तथा हिमाली भू-भागका थोरै स्थानहरूमा हल्का वर्षा र हिमपातको सम्भावना रहेको छ।

देशव्यापी रहिरहेको तुवाँलो केही मात्रामा कम हुने देखिन्छ । भाेलि पनि सबै प्रदेशका केही स्थानमा वर्ष र हिमाली क्षेत्रमा हिमपातकाे सम्भावना छ ।

वर्षा, हिमपातलगायत तुवाँलोका कारण स्वास्थ्य, दैनिक जनजीवन, कृषि, सडक तथा हवाई यातायातमा समेत प्रभाव पर्न सक्ने हुँदा त्यसबाट हुन सक्ने असरबाट बच्न आवश्यक उपायहरू तथा सतर्कता अपनाउन महाशाखाको अनुरोध छ ।