बालुवाटार घेर्ने राजेन्द्र लिङ्देनको चेतावनी

काठमाडौं । केपी शर्मा ओली नेतृत्वको वर्तमान सरकार नसच्चिएर प्रधानमन्त्रीको सरकारी निवास बालुवाटार घेर्ने राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले चेतावनी दिएका छन् ।

मंगलबार पार्टीले आयोजना गरेको खबरदारी सभालाई सम्बोधन गर्ने क्रममा उनले बालुवाटार घेरेर भातपानी बन्द गर्ने चेतावनी दिएका हुन् ।

‘नसुध्रने हो भने हामी पनि गोली चलाउँछौं त भन्दिनँ । बालुवाटार घेरेर भात पानी बन्द गरिदिन सक्छौं ,’ लिङ्देनले भने, ‘यो कुरा याद राख्नु ।’

जनता मुर्ख भएर नबस्ने बताउँदै उनले सूचनालाई कसैले मुठ्ठिमा राख्न नसक्ने बताए ।‘सूचना प्रविधिको यति विकास भएको छ । अब सूचनालाई कसैले आफ्नो मुठ्ठीमा राख्न सक्दैन,’ लिङ्देनले भने,‘विद्रोह नै गरेर जाऔं भन्नुहुन्छ भने हामी सल्लाह गरेरै जान्छौं, झुक्याएर जाँदैनौं ।’