राप्रपाको शक्ति प्रदर्शन आज, राजावादीको समर्थन

काठमाडौं । राजसंस्था पुर्नस्थापनाको माग गर्दै राष्ट्रिय प्रजातन्त्र पार्टी (राप्रपा)ले आज प्रदर्शन गर्दैछ ।

गत चैत १५ मा राजावादी शक्तिले गरेको प्रदर्शन हिंसात्मक भएपछि आज प्रशासनले राप्रपालाई बल्खुमा जनप्रदर्शनका लागि स्थान दिएको छ । प्रदर्शन शान्तिपूर्ण हुने राप्रपाको दाबी छ ।

भृकुटीमण्डपमा आमसभा गर्न अनुमति माग गरे पनि जिल्ला प्रशासन कार्यालय काठमाडौंले सिफल वा बल्खुमा आमसभा गर्न भनेको थियो ।

राजसंस्था र हिन्दूराष्ट्रको पक्षधर दल राप्रपा तीनकुने घटनामा पक्राउ परेका आफ्ना नेता–कार्यकर्ताको रिहाइको मागसहित केही दिनयता आन्दोलनरत छ। राप्रपाका अध्यक्ष राजेन्द्र लिङ्देनले राज्य पक्षबाट हिंसा भड्काउने कार्य हुने सक्ने भएकाले सचेततापूर्वक जनप्रदर्शन गर्ने बताए ।