विराटनगरका दुई घरबाट ४५ किलो गाँजा बरामद, दुई जना पक्राउ

विराटनगर । प्रहरीले विराटनगरका दुई घरबाट ४५ किलो लागुऔषध गाँजा बरामद गरेको छ । विराटनगर महानगरपालिका–१४ जतुवाका १९ वर्षीय भूपेन यादव र ६० वर्षीय छटु यादवको घरबाट गाँजा बरामद गरेको हो ।

मोरङ प्रहरीका प्रवक्ता डीएसपी वेदप्रकाश जोशीका अनुसार भूपेनको घरमा ३० र छटुको घरमा १५ किलो गाँजा फेला परेको हो ।

व्यक्तिको घरमा लागुऔषध गाँजा लुकाइछिपाइ राखिएको विशेष सूचनाका आधारमा जिल्ला प्रहरी कार्यालय मोरङ र इलाका प्रहरी कार्यालय रानीको सोमबार गाँजा बरामद गरेको हो । गाँजा भेटिएसँगै प्रहरीले भूपेन र छटुलाई पनि पक्राउ गरेको छ ।