ओलीसँगको भेटपछि मोदीले भने,‘फलदायी वार्ता भयो’

काठमाडौं । थाइल्यान्डको बैंककमा नेपालका प्रधानमन्त्री केपी शर्मा ओलीसँगको भेटवार्तापछि भारतीय सकमक्षी नरेन्द मोदीले वार्ता फलदायी भएको प्रतिक्रिया दिएका छन् । शुक्रबारको एक्लएक्लै वार्तापछि मोदीले फलदायी भेटवार्ता भएको बताएका हुन् ।

‘बैंककमा प्रधानमन्त्री केपी शर्मा ओलीसँगको भेटघाट फलदायी रह्यो,’ मोदीले भनेका छन्, ‘भारतले नेपालसँगको सम्बन्धलाई ठूलो प्राथमिकता दिएको छ ।’

उनले भारत–नेपाल मित्रताका विभिन्न पक्षहरू विशेषगरी ऊर्जा, कनेक्टिभिटी, संस्कृति र डिजिटल प्रविधिजस्ता क्षेत्रहरूमा छलफल भएको थियाे ।

‘हामीले यस वर्षको बिम्स्टेक शिखर सम्मेलनबाट प्राप्त केही प्रमुख सकारात्मक परिणामहरू विशेष गरी विपद् व्यवस्थापन र समुद्री यातायातका क्षेत्रहरूमा पनि कुरा गर्‍यौं,’ उनले भनेका छन् ।