कार्यालय पुगे काठमाडौंका प्रमुख प्रशासकीय अधिकृत, कार्यकक्षमा मेयरले लगाइदिए ताला

काठमाडौं । मेयर बालेन शाहको अवरोधकाबीच काठमाडौं महानगरपालिकाका प्रमुख प्रशासकीय अधिृकत सरोज गुरागाईं हाजिर हुन कार्यालय पुगेका छन् । उनी आउने जानकारी पाएपछि मेयर शाहले नगर प्रहरी मार्फत उनको कार्यकक्षमा ताला लगाइदिएका छन् ।

नगर प्रहरीले उनलाई गेटमै रोक्न खोजेको थियो । तर, कर्मचारीहरूले रोक्न नदिइ उनलाई कार्यालय प्रवेश गराएका छन् । उनको कार्यकक्षमा भने बिहीबार नै नगर प्रहरीले ताला लगाइदिएको हो ।

गत पुस ७ गतेदेखि गुरागाईंलाई बिदामा थिए । उनीपछि नियुक्त भएका निमित्त प्रमुख प्रशासकीय अधिकृत गोविन्दप्रसाद शर्माले पनि राजीनामा दिएपछि अहिले महानगर प्रमुख प्रशासकीय अधिकृतविहीन छ ।

प्रमुख प्रशासकीय अधिकृत नहुँदा आफूहरूले तलबसमेत नपाएको भन्दै कर्मचारीहरू आक्रोशित छन् । कर्मचारीले प्रमुख प्रशासकीय अधिकृत गुरागाईंलाई हाजिर गराउने बताएका छन् ।