१ लाख ८० हजार नाघ्यो सुनको मूल्य

काठमाडौं । नेपाली बजारमा सुनको मूल्य १ लाख ८० हजार नाघेको छ । बुधबार मूल्य घटेको थियो । तर आज फेरि उच्च विन्दुमा पुगेको छ ।

बिहीबार प्रतितोला १ लाख ८० हजार ३ सय रुपैयाँमा कारोबार भइरहेको छ । यो भाउ हालसम्मकै उच्च हो । बुधबारको तुलनामा आज १२ सय रुपैयाँले सुनको मूल्य बढेको हो ।

बुधबार १ लाख ७९ हजार १ सय रुपैयाँमा कारोबार भएको थियो ।

आज चाँदीको भाउ तोलामा २५ रुपैयाँ घटेको छ । अघिल्लो दिन प्रतितोला २ हजार २० रुपैयाँ रहेको चाँदी आज १ हजार ९९५ रुपैयाँ पुगेको छ ।