तीनकुने प्रर्दशनका आरोपीलाई थप ६ दिन म्याद थप

काठमाडौं । काठमाडाैंकाे तीनकुनेमा शुक्रबार भएको हिंसात्मक प्रर्दशनमा संलग्न भएको आरोपमा पक्राउ परेका ४१ जनालाई दोस्रो पटक ६ दिन म्याद थप भएको छ ।

जिल्ला प्रहरी परिसर काठमाडौंको हिरासतमा रहेका ४१ जनालाई बुधबारबाट ६ दिन म्याद थप गरेको हो । राप्रपाका वरिष्ठ उपाध्यक्ष रवीन्द्र मिश्र, सांसद तथा राप्रपाका महामन्त्री धवल शमशेर राणासहितका आरोपीले अनुसन्धानका लागि थप ६ दिन हिरासतमै बस्नु पर्नेछ ।

आपराधिक उपद्रव र संगठित अपराधमा ३० जना र राज्यविरुद्धको कसुरमा ११ जना गरी ४१ जनालाई पहिलोपटक आइतबार पाँच दिनको म्याद थप भएको थियो ।

उनीहरूलाई शुक्रबार प्रहरीले पक्राउ गरेको थियो । मंगलबार पनि थप १८ जना पक्राउ परेका थिए ।