भारतको गुजरातकाे पटाका गोदाममा विष्फोट, २१ जनाको मृत्यु

काठमाडौं । भारतको गुजरातमा पटाका कारखानामा विष्फोट हुँदा २१ मजदुरको मृत्यु भएको छ । विष्फोटमा ५ मजदुर घाइते भएको भारतीय सञ्चार माध्यमहरूले जनाएका छन् ।

विष्फोट हुँदा मजदुरहरू कारखानामा काम गरिरहेका थिए । कामदारहरूको शरीरका अंगहरू ५० मिटर टाढासम्म भेटिएको समाचारमा उल्लेख छ ।

कारखाना पछाडिको खेतमा मानव शरीरका केही अंगहरू पनि फेला परेका थिए । आगो नियन्त्रणमा लिन दमकललाई ५ देखि ६ घण्टा लागेको थियो ।

प्रधानमन्त्री नरेन्द्र मोदीले मृतकका परिवारलाई राहत दिन घोषणा गरेका छन् । दुर्घटनामा परी मृत्यु भएका र घाइते भएका सबै मजदुर २ दिनअघि मजदुरी गर्न आएका मध्यप्रदेशको हर्दा जिल्लाको हान्डिया गाउँका बासिन्दा हुन् ।