राप्रपा सांसद दीपक बोहराको निधन

काठमाडौं । प्रतिनिधिसभा सदस्य सांसद दीपक बोहराको निधन भएको छ ।

राष्ट्रिय प्रजातन्त्र पार्टी (राप्रपा)का वरिष्ठ नेता तथा पूर्वमन्त्री बोहराको उपचारको क्रममा काठमाडौंको ओम अस्पतालमा निधन भएको हो ।

उनी रुपन्देही क्षेत्र नम्बर– ३ बाट निर्वाचित सांसद हुन् । पोस्ट कोभिड समस्याले गर्दा उनी बोल्न नसक्ने अवस्थामा थिए । कोरोना संक्रमणको चार–पाँच महिनापछि बोहराको स्वरमा परिवर्तन आएको थियो । उपचारका लागि उनी भारतको दिल्ली हुँदै अमेरिकाको न्यूयोर्कसम्म पुगेका थिए ।

सांसद दीपक बोहराको शव आज भैरहवा लगिँदैछ. श्रद्धाञ्जलीका लागि उनकाे शव आज रुपन्देहीस्थित राष्ट्रिय प्रजातन्त्र पार्टीको कार्यालयमा राखिने छ । उनकाे शव भोलि बिहान काठमाडौंस्थित पार्टीको केन्द्रीय कार्यालयमा श्रद्धाञ्जलीका लागि राखिनेछ । भोलि नै आर्यघाटमा अन्तिम संस्कार गरिनेछ।