संसद्को अधिवेशन अन्त्य गर्ने सरकारको निर्णय

काठमाडौं । सरकारले संघीय संसद् हिउँदे अधिवेशन अन्त्य गर्न राष्ट्रपतिसमक्ष सिफारिस गर्ने निर्णय गरेको छ ।

सोमबार राति बसेको मन्त्रिपरिषद् बैठकले आज मङ्गलबार राति १२ बजेदेखि अन्त्य गर्न राष्ट्रपति समक्ष सिफारिस गर्ने निर्णय गरेको हो । १८ माघबाट संसद्को हिउँदे अधिवेशन सुरु भएको थियो ।

संसद अन्त्य गर्नुअघि सोमबार संघीय संसद्को दुवै सदनले ५ वटा ऐन पारित गरेको थियो । संसदले पारित गरे लगतै राष्ट्रपतिले ५ वटैं ऐन प्रमाणीकरण गरेका छन् ।