प्रधानमन्त्री ओली थाइल्याण्ड जाँदै, माेदीसँगकाे वार्ताकाे सम्भावना कम

काठमाडौं । थाइल्याण्डको औपचारिक भ्रमणका लागि प्रधानमन्त्री केपी शर्मा ओली आज (मंगलबार) जाँदैछन् । थाइल्याण्ड भ्रमणसँगै बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को छैटौं शिखर सम्मेलनमा सहभागी हुनेछन् ।

याे सम्मेलनमा भारतका प्रधानमन्त्री नरेन्द्र माेदी पनि सहभागी हुँदैछन् ।  ओलीले माेदीसँग भेटवार्ता गर्न खाेजेका थिए । तर त्याे सम्भावना कम छ ।

प्रधानमन्त्रीको निजी सचिवालयका अनुसार मंगलबार दिउँसो १२ः ३० बजे त्रिभुवन अन्तर्राष्ट्रिय विमानस्थलको अति विशिष्ट कक्षमा पत्रकारसँग भेट गरेर ओली थाइल्याण्ड जाने छन् ।

ओलीले थाइल्याण्डको औपचारिक भ्रमण र बिम्स्टेकको छैटौँ शिखर सम्मेलनमा भाग लिने कार्यक्रम छ । बैंककमा रहँदा उनले शिखर सम्मेलनलाई सम्बोधन गर्नेछन् । प्रधानमन्त्री ओली २३ गते शनिबार स्वदेश फर्कने छन् ।

भ्रमणअघि ओलीले पूर्वप्रधानमन्त्री र पूर्व परराष्ट्रमन्त्रीसहित शीर्ष नेतासँग छलफल गरेका थिए ।