पूर्वराजदूत कमल कोइरालाको निधन

काठमाडौं । पूर्वप्रधानमन्त्री मातृकाप्रसाद कोइरालाका छोरा तथा कम्युनिष्ट नेता कमल कोइरालाको निधन भएको छ । उनी पूर्वराजदूत एवं पत्रकार पनि हुन् । उनको ८७ वर्षको उमेरमा आइतबार साँझ निधन भएको हो ।

केही दिनअघि घरमै लडेका कोइरालालाई उपचारका लागि सिनामंगलस्थित केएमसी अस्पतालमा भर्ना गरिएको थियो । उपचारकै क्रममा निधन भएको परिवारले जनाएको छ ।

पूर्वप्रधानमन्त्री मातृकाप्रसाद कोइरालाका छोरा कमलले दक्षिण कोरियाका लागि नेपाली राजदूत भएर काम गरेका थिए । कोइरालाको परिवारका सबै नेपाली कांग्रेसको राजनीतिमा छन् । उनी मात्र कम्युनिस्ट र वामपन्थी विचारधारामा विश्वास राख्थे । उनले विभिन्न पत्रपत्रिकामा स्तम्भकारका रुपमा काम गरे ।

पूर्वसांसदसमेत रहेका कोइरालाको पशुपति आर्यघाटमा अन्त्येष्टि गरिनेछ ।